"Манчестер Юнайтед" "Бавария" марказий ҳимоячисига шартнома таклифи билан мурожаат қилди.
Эслатиб ўтамиз, Эрик тен Хаг жамоаси Маттейс де Лигтни қўлга киритиш учун фаол ҳаракат қилмоқда. Журналист Марк Вервейнинг хабарига кўра, "Манчестер Юнайтед" де Лигтга 2029 йилгача мўлжалланган шартнома таклиф қилган.
Яқин вақт ичида томонлар ўртасида келишувга эришилиши кутилмоқда. "Манчестер Юнайтед" ҳам "Бавария" билан товон пули борасида муросага келишга ҳаракат қилмоқда.
Икки йил аввал мюнхенликлар нидерландиялик футболчи учун Туриннинг "Ювентус" клубига 67 миллион евро тўлаганди.