Joze Fonte Krishtianu Ronaldu bilan qanday ishlagani haqida gapirib berdi.
"Ronalduning borligi Portugaliya terma jamoasiga xalaqit berayotgani haqidagi hikoyalar va mish-mishlarni eshitganimda doim kulaman. Bu shunchaki ahmoqlik.
Men u bilan terma jamoada ko‘p yillar o‘tkazdim va hech qachon muammo ko‘rmadim. Lekin bilaman, u nafaqat haqiqiy professional, balki boshqalarga ham yordam berishga harakat qiladi.
Uni tomosha qilish orqali siz muvaffaqiyatga erishish uchun nima kerakligini tushunasiz. Ammo Krishtianu bilan ishlaganingda, bundan ham ko‘proq narsaga ega bo‘lasan", - dedi Portugaliyaning sobiq himoyachisi.
