"Alaves" "Barselona"ning o‘ng qanot himoyachisi Ektor Fortga qiziqish bildirmoqda.

"Ko‘k-anorranglilar" o‘z tarkibini kuchaytirish uchun qo‘shimcha mablag‘ to‘plashi kerak, bu esa ularni "daxlsiz" maqomiga ega bo‘lmagan bir qator o‘yinchilar bilan xayrlashishga majbur qilishi mumkin.

Football Espana xabariga ko‘ra, "Alaves" 17 yoshli Fortni o‘ziga jalb qilmoqchi. "Barselona" hali bu taklifga javob bermadi - birinchidan, yosh futbolchining istiqbolini jamoaning yangi bosh murabbiyi Xans-Diter Flik baholashi kerak.