Ruminiya terma jamoasi bosh murabbiyi Eduard Yordanesku Niderlandiyaga qarshi bo‘lib o‘tadigan Yevropa chempionati 1/8 final o‘yini haqida o‘z fikrlari bilan o‘rtoqlashdi.
"Tarixni qayta yozish uchun bor narsani berishga tayyor bo‘lishimiz kerak. Bunday turnirlardagi barcha janglar qiyin, chorak finalga chiqish nihoyatda qiyin. Uchrashuvimizda Niderlandiya favorit hisoblanadi. Ularda zo‘r o‘yinchilar bor, lekin bizda ham kuchli tomonlar bor", - dedi Yordanesku UYEFA matbuot xizmatiga.
Ruminiya va Niderlandiya terma jamoalari o‘rtasidagi uchrashuv 2 iyul, seshanba kuni Myunxendagi stadionda bo‘lib o‘tadi.
