Руминия терма жамоаси бош мураббийи Эдуард Йорданеску Нидерландияга қарши бўлиб ўтадиган Европа чемпионати 1/8 финал ўйини ҳақида ўз фикрлари билан ўртоқлашди.
"Тарихни қайта ёзиш учун бор нарсани беришга тайёр бўлишимиз керак. Бундай турнирлардаги барча жанглар қийин, чорак финалга чиқиш ниҳоятда қийин. Учрашувимизда Нидерландия фаворит ҳисобланади. Уларда зўр ўйинчилар бор, лекин бизда ҳам кучли томонлар бор", - деди Йорданеску УЕФА матбуот хизматига.
Руминия ва Нидерландия терма жамоалари ўртасидаги учрашув 2 июль, сешанба куни Мюнхендаги стадионда бўлиб ўтади.
