Ukrainaning «Shaxtyor» klubi Chempionlar ligasining 2024/2025 yilgi mavsumida uy uchrashuvlarini Gelzenkirxenda o‘tkazishini ma’lum qildi. Xabaringiz bor, «konchilar» kelasi mavsumda Yevropaning asosiy klub turnirining asosiy bosqichida ishtirok etadi. Format boshqacha bo‘ladi va endi guruh bosqichi o‘rniga 36 ta jamoadan iborat yagona liga bo‘ladi. Ularda har bir klub turli raqiblar bilan sakkiztadan o‘yin o‘tkazadi.
Shu tariqa, «Shaxtyor» Gelzenkirxenda navbatdagi Chempionlar ligasida to‘rtta uy uchrashuvini o‘tkazadi.
Eslatib o‘tamiz, Chempionlar ligasining asosiy bosqichiga qur’a tashlash marosimi 29 avgust kuni bo‘lib o‘tadi.
