Kuni kecha Angliya terma jamoasi qiyinchilik bilan Yevropa chempionatining chorak finaliga yo‘l oldi.
Garet Sautgeyt shogirdlari Slovakiyaga qarshi o‘yinda faqat ikkinchi bo‘limga qo‘shib berilgan daqiqalarda hisobni tenglashtira oldi. Qo‘shimcha bo‘limlarda esa “uch sherlar” g‘alabani qo‘lga kiritishdi.
Daily Mail nashrining yozishicha, tanaffus vaqtida Angliya terma jamoasi himoyachisi Mark Gexiga yelkasidagi jarohat sabab ukol qilish kerak edi. Jamoa futbolchi Yevro-2024ning yarim finalida o‘ynashga tayyor bo‘lishiga umid qilmoqda. Ammo Mark Gexi juda ko‘p sariq kartochka tufayli Shveysariyaga qarshi chorak finalni o‘tkazib yuborishi aniq. Ushbu o‘yin 6 iyul kuni bo‘lib o‘tadi.
