Куни кеча Англия терма жамоаси қийинчилик билан Европа чемпионатининг чорак финалига йўл олди.
Гарет Саутгейт шогирдлари Словакияга қарши ўйинда фақат иккинчи бўлимга қўшиб берилган дақиқаларда ҳисобни тенглаштира олди. Қўшимча бўлимларда эса “уч шерлар” ғалабани қўлга киритишди.
Daily Mail нашрининг ёзишича, танаффус вақтида Англия терма жамоаси ҳимоячиси Марк Гехига елкасидаги жароҳат сабаб укол қилиш керак эди. Жамоа футболчи Евро-2024нинг ярим финалида ўйнашга тайёр бўлишига умид қилмоқда. Аммо Марк Гехи жуда кўп сариқ карточка туфайли Швейцарияга қарши чорак финални ўтказиб юбориши аниқ. Ушбу ўйин 6 июль куни бўлиб ўтади.
