Niderlandiya yarim himoyachisi Kodi Gakpo Ruminiyani mag‘lub etishga yordam berdi (3:0).

Yevroning 1/8 finalida u birinchi golni urdi va ikkinchi golga assistentlik qildi. Shu tariqa, Gakpo Yevro fentezi turnirida 11 ochko to‘pladi: gol uchun +5, golli uzatma uchun +3, o‘z darvozasi daxlsizligi uchun +1 va 60+ daqiqa maydonda bo‘lgani uchun +2. U o‘yinning 84-daqiqasida almashtirildi.

Gakpo 1/8 finalda 6776 (23,27%) fentezi menejerining tarkibida bor.

Dubl qayd etgan Donell Malen va ikkita golli uzatmani amalga oshirgan Xavi Simons ham bu o‘yinda 10 ochko jamg‘ardi.

Niderlandiya chorak finalda Avstriya-Turkiya uchrashuvi g‘olibi bilan o‘ynaydi.