Niderlandiya terma jamoasi bosh murabbiyi Ronald Kumanning fikricha, hozirgi jamoasini 1988 yildagi terma jamoa bilan solishtirishga hali erta. Xabaringiz bor, Niderlandiya finalda SSSR terma jamoasini 2:0 hisobida mag‘lub etib, Yevro-1988 g‘olibiga aylangan edi. Final uchrashuvida Kumanning o‘zi ham ishtirok etgan.
"Jamoada ko‘plab iqtidorli yigitlar bor, lekin, albatta, odamlar bu jamoani 1988 yilgi jamoa bilan solishtirishlari uchun avvalo biz katta g‘alaba qozonishimiz kerak. O‘shandan beri futbol o‘zgardi", - deya Kumanning so‘zlarini keltiradi UEFA sayti.
Kumanning ta’kidlashicha, hozir Yevropa chempionatida barcha jamoalar keyingi bosqichga o‘tishda qiyinchiliklarni boshdan kechirmoqda.
