Нидерландия терма жамоаси бош мураббийи Рональд Куманнинг фикрича, ҳозирги жамоасини 1988 йилдаги терма жамоа билан солиштиришга ҳали эрта. Хабарингиз бор, Нидерландия финалда СССР терма жамоасини 2:0 ҳисобида мағлуб этиб, Евро-1988 ғолибига айланган эди. Финал учрашувида Куманнинг ўзи ҳам иштирок этган.
"Жамоада кўплаб иқтидорли йигитлар бор, лекин, албатта, одамлар бу жамоани 1988 йилги жамоа билан солиштиришлари учун аввало биз катта ғалаба қозонишимиз керак. Ўшандан бери футбол ўзгарди", - дея Куманнинг сўзларини келтиради УEФА сайти.
Куманнинг таъкидлашича, ҳозир Европа чемпионатида барча жамоалар кейинги босқичга ўтишда қийинчиликларни бошдан кечирмоқда.
