4 iyul kuni “Andijon” klubi Toshkentdagi “JAR” stadionida O‘zbekiston Kubogi nimchorak final doirasida “Olimpik” jamoasiga qarshi maydonga tushadi.

“Olimpik” va “Andijon” klublari O‘zbekiston Kubogida shu kungacha bir marta to‘qnash kelishgan. O‘tgan yili ushbu jamoalar Kubok musobaqasining “F” guruhidan joy olishgandi. 2023 yilning 20 aprel sanasida Farg‘onadagi “Istiqlol” stadionida “Andijon”ning nominal mezbonligi ostida o‘tgan o‘yinda darvozalar daxlsiz qolgan – 0:0.

Milliy chempionatda esa jamoalar jami uch bor to‘qnashishgan. “Andijon” ikkita uchrashuvda g‘alaba qozongan va yana bittasida durang qayd etilgan. Bu mavsumning birinchi davrasida Toshkentdagi bahsda hisob ochilmadi – 0:0. To‘plar nisbati 2:3 “Andijon” foydasiga.

Ko‘rib turganingizdek, chempionatda ham, Kubokda ham “Andijon” hali “Olimpik”ga yutqazmagan.

Eslatib o‘tamiz, “Olimpik” – “Andijon” bellashuvi 4 iyul, soat 20:30 da boshlanadi.