Afsonaviy murabbiy Aleks Fergyuson keyingi jahon chempionatida Krishtianu Ronalduni ko‘rishni kutyaptimi, degan savolga javob berdi. Keyingi jahon chempionatida Ronaldu 41 yoshga to‘ladi.
"Men buni tasavvur qila olmayman. Kelgusi yillarda futbol yanada tezlashadi va jismonan kuchayadi. Markaz hujumchilariga ham kamroq joy bo‘ladi. Himoyachilardan farqli o‘laroq, hujumchilar yoshi ulg‘aygan sari yuqori saviyada o‘ynashlari qiyinroq bo‘ladi", - dedi Fergyuson SportBild nashriga.
Shu bilan birga, Fergyuson Ronalduni barcha davrlarning eng buyuk futbolchilaridan biri deb bilishini qayd etdi. "Manchester Yunayted"ning sobiq ustozi so‘zlariga ko‘ra, Krishtianuda isbotlaydigan hech narsa qolmagan. "Bir yoki ikkita unvon unchalik katta ahamiyatga ega emas, chunki Ronaldu o‘ziga xos faoliyatga ega", - deydi shotlandiyalik murabbiy.
