Афсонавий мураббий Алекс Фергюсон кейинги жаҳон чемпионатида Криштиану Роналдуни кўришни кутяптими, деган саволга жавоб берди. Кейинги жаҳон чемпионатида Роналду 41 ёшга тўлади.
"Мен буни тасаввур қила олмайман. Келгуси йилларда футбол янада тезлашади ва жисмонан кучаяди. Марказ ҳужумчиларига ҳам камроқ жой бўлади. Ҳимоячилардан фарқли ўлароқ, ҳужумчилар ёши улғайган сари юқори савияда ўйнашлари қийинроқ бўлади", - деди Фергюсон SportBild нашрига.
Шу билан бирга, Фергюсон Роналдуни барча даврларнинг энг буюк футболчиларидан бири деб билишини қайд этди. "Манчестер Юнайтед"нинг собиқ устози сўзларига кўра, Криштиануда исботлайдиган ҳеч нарса қолмаган. "Бир ёки иккита унвон унчалик катта аҳамиятга эга эмас, чунки Роналду ўзига хос фаолиятга эга", - дейди шотландиялик мураббий.
