"Manchester Yunayted" "Bavariya" markaziy himoyachisi Matteys de Ligt transferini rasmiylashtirmoqchi.
Yaqinda ommaviy axborot vositalarida niderlandiyalik futbolchining "Qizil iblislar" safiga o‘tishga tayyorligi haqida ma’lumotlar paydo bo‘ldi - u o‘z faoliyatini boshqalardan ko‘ra davom ettirish uchun ushbu variantni afzal ko‘radi. Jurnalist Nil Kestisning yozishicha, "Manchester Yunayted" Yevro-2024 yakunlanganidan keyin "Bavariya"ga rasmiy taklif bilan chiqish niyatida. Ingliz grandi 24 yoshli futbolchini 40 million funt sterling (47 million yevrodan sal ko‘proq) evaziga sotib olishni rejalashtirmoqda.
Transfermarkt ekspertlari Matteys de Ligtning narxini ancha yuqori - 65 million yevroga baholamoqda. Markaziy himoyachining "Bavariya" bilan shartnomasi 2027 yilgacha mo‘ljallangan.
