“Marsel”ning 29 yoshli darvozaboni Pau Lopes “Komo” futbolchisiga aylanadi, deya xabar bermoqda jurnalist Nikolo Skira.

Manba bergan xabarga ko‘ra, darvozabon o‘tgan mavsum yakunida A Seriyaga chiqqan klub bilan shartnoma bo‘yicha kelishib olgan, ma’lum bo‘lishicha, Lopes sotib olish imkoniyati bilan Sesk Fabregas jamoasiga ijaraga o‘tadi. Muayyan sharoitlarda futbolchi 5 million yevro evaziga qaytarib sotib olinishi kutilmoqda.

Lopes "Marsel"da 2022 yildan beri o‘ynab kelmoqda. O‘tgan mavsumda darvozabon barcha turnirlarda 49 ta o‘yin o‘tkazgan, shundan 11 tasida o‘z darvozasi daxlsizligini saqlab qolgan.