“Марсель”нинг 29 ёшли дарвозабони Пау Лопес “Комо” футболчисига айланади, дея хабар бермоқда журналист Николо Скира.

Манба берган хабарга кўра, дарвозабон ўтган мавсум якунида А Серияга чиққан клуб билан шартнома бўйича келишиб олган, маълум бўлишича, Лопес сотиб олиш имконияти билан Сеск Фабрегас жамоасига ижарага ўтади. Муайян шароитларда футболчи 5 миллион евро эвазига қайтариб сотиб олиниши кутилмоқда.

Лопес "Марсель"да 2022 йилдан бери ўйнаб келмоқда. Ўтган мавсумда дарвозабон барча турнирларда 49 та ўйин ўтказган, шундан 11 тасида ўз дарвозаси дахлсизлигини сақлаб қолган.