"Nyukasl" vinger Entoni Gordonni yaxshilangan shartlar asosida yangi shartnoma bilan taqdirlamoqchi.

Yaqinda matbuotda Gordon deyarli "Liverpul"ga o‘tgani haqida ma’lumot paydo bo‘ldi.

Ta’kidlanishicha, Gordon "Liverpul" safiga qo‘shilishni orzu qilgan va "Nyukasl" Entonining mavsumoldi mashg‘ulotlariga qaytishi oldidan ruhiy holatidan xavotirda edi.

Biroq, "Sent Jeyms Park" Gordonga yangi shartnoma taklif qilib, uning kayfiyatini ko‘tarishga umid qilmoqda. TalkSPORT nashri xabariga ko‘ra, Entoni hozirgi haftasiga 60 000 funt sterlingdan maoshini sezilarli darajada oshiradi.

Gordon o‘tgan mavsumda "Nyukasl"ning eng yaxshi o‘yinchilaridan biri bo‘lib, 11 ta gol urdi va 12 ta golli uzatmani amalga oshirdi, shuning uchun "qarg‘alar" yetakchi klublarning 23 yoshli angliyalik futbolchiga bo‘lgan qiziqishidan hayratda emas.