"Atalanta" markaziy himoyachisi Meme Okoli faoliyatini o‘tgan mavsum oxirida APLga qaytgan "Lester"da davom ettiradi.
Mashhur jurnalist Fabrisio Romanoning yozishicha, “Lester” 22 yoshli futbolchi uchun 15 million yevro to‘laydi.
Manbaning qayd etishicha, kelishuv allaqachon tasdiqlangan. Eslatib o‘tamiz, italiyalik futbolchi o‘tgan mavsumni “Frozinone”da ijara asosida o‘tkazgan edi.
Jamoa tarkibida u barcha turnirlarni hisobga olgan holda 37 ta uchrashuvda maydonga tushdi va bitta golli uzatmani qayd etdi.