37 yoshli himoyachi Yan Vertongen Belgiya terma jamoasidagi faoliyatini yakunlashga qaror qildi.
Futbolchi 2024 yilgi Yevropa chempionatini tark etganidan so‘ng terma jamoadan ketdi.
"Mashg‘ulotlar davomida va futbol maydonida haqiqiy "qizil iblis" bo‘lish nimani anglatishini ko‘rsatdingiz. Yan, biz seni sog‘inamiz”, - deyiladi Belgiya terma jamoasi matbuot xizmati xabarida.
Eslatib o‘tamiz, Vertongen 2007 yildan buyon terma jamoa ranglarini himoya qilib kelmoqda. U jami 157 ta o‘yin o‘tkazib, o‘nta gol urgan.
Yevroda Belgiya terma jamoasi 1/8 finalga chiqdi va u yerda Fransiyadan 0:1 hisobida mag‘lubiyatga uchradi. Uchrashuv taqdirini 85-daqiqada Vertongenning avtogoli hal qildi.
