37 ёшли ҳимоячи Ян Вертонген Бельгия терма жамоасидаги фаолиятини якунлашга қарор қилди.
Футболчи 2024 йилги Европа чемпионатини тарк этганидан сўнг терма жамоадан кетди.
"Машғулотлар давомида ва футбол майдонида ҳақиқий "қизил иблис" бўлиш нимани англатишини кўрсатдингиз. Ян, биз сени соғинамиз”, - дейилади Бельгия терма жамоаси матбуот хизмати хабарида.
Эслатиб ўтамиз, Вертонген 2007 йилдан буён терма жамоа рангларини ҳимоя қилиб келмоқда. У жами 157 та ўйин ўтказиб, ўнта гол урган.
Еврода Бельгия терма жамоаси 1/8 финалга чиқди ва у ерда Франциядан 0:1 ҳисобида мағлубиятга учради. Учрашув тақдирини 85-дақиқада Вертонгеннинг автоголи ҳал қилди.
