Fransiya terma jamoasining sobiq markaziy himoyachisi Uilyam Gallas Fransiya terma jamoasi hujumchisi Kilian Mbappening “Real”ga o‘tishi uning Yevro-2024dagi o‘yiniga ta’siri haqida o‘z fikri bilan o‘rtoqlashdi.

“Bu orzudagi transfer edi. Ammo e’lonni bir necha oyga kechiktirish Kilianga zarar keltirdi. Shuning uchun biz hozirda Kilian Mbappeni eng yaxshi holatda ko‘rmayapmiz.

U avvalgidek gol urmaydi, garchi u allaqachon bitta gol urgan bo‘lsa ham. Uning "PSJ"dagi faoliyatini yakunlashi va olgan jarohati forma olishiga to‘sqinlik qildi", - deya Gallasning so‘zlarini keltiradi "Give me Sport".