Yevropa Chempionatining chorak finalida Portugaliya va Fransiya terma jamoalari 5 iyul, juma kuni o‘zaro bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda ham tomoshabinlar gol guvohi bo‘lmadi. Shu tariqa terma jamoalar qo‘shimcha bo‘limlarga murojaat qilishiga to‘g‘ri keldi.

Qo‘shimcha bo‘limlarda ham gol urilmadi va g‘olib nomi penaltilar seriyasida aniqlanadigan bo‘ldi.

Penaltilar seriyasida esa Fransiyaning qo‘li baland keldi va yarim final yo‘llanmasini qo‘lga kiritdi. Portugaliyaliklar safida Joau Feliks o‘z imkoniyatidan foydalana olmadi. Seriyada birinchi bo‘lib zarba bergan Ronaldu esa to‘pni darvozaga aniq joyladi.

Kilian Mbappe to‘rtinchi bo‘lim boshida zaxiraga olingani kutilmagan yangilik bo‘ldi.

Didye Desham shogirdlari yarim finalda Ispaniyaga qarshi bahs olib boradi.

Yevro—2024, Chorak final
5 iyul, juma
Portugaliya – Fransiya 0:0
Penaltilar seriyasi: 3:5
Portugaliya: Diogu Koshta, Joau Kanselu (Semedu, 74), Pepe, Ruben Diash, Mendesh, Brunu Fernandesh (Fransishku Konseysau, 74), Bernardu Silva, Palinya (Ruben Nevesh, 90), Vitinya, Rafael Leau (Joau Feliks, 105), Ronaldu.
Fransiya: Menyan, Kunde, Upamekano, Saliba, Ernandes, Kante, Tchuameni, Kamavinga (Fofana, 90), Grizmann (Dembele, 67), Mbappe (Barkolya, 105), Kolo-Muani (Tyuram, 86).
Ogohlantirishlar: Palinya (79), Saliba (84).