Germaniya terma jamoasi yarim himoyachisi Ilkay Gyundogan Ispaniyaga qarshi o‘yindan so‘ng 2024 yilgi Yevropa chempionatini tark etish haqida gapirdi.
"Bu qayg‘uli. Jamoamiz qo‘lidan kelgan hamma ishni qildi. Biz yarim finalga yaqin edik. Muxlislar hayratlanarli darajada qo‘llab-quvvatladilar, ajoyib muhit mavjud edi. Sardorlik bog‘ichini taqib yurish men uchun sharaf. Mag‘lub bo‘lganimizga qaramay, biz har qanday raqib bilan kurashishimiz mumkinligini ko‘rsatdik. Tashkilotchilarga turnir uchun rahmat," - deya ijtimoiy tarmoqlarda post qoldirdi xavbek.
