Германия терма жамоаси ярим ҳимоячиси Илкай Гюндоган Испанияга қарши ўйиндан сўнг 2024 йилги Европа чемпионатини тарк этиш ҳақида гапирди.
"Бу қайғули. Жамоамиз қўлидан келган ҳамма ишни қилди. Биз ярим финалга яқин эдик. Мухлислар ҳайратланарли даражада қўллаб-қувватладилар, ажойиб муҳит мавжуд эди. Сардорлик боғичини тақиб юриш мен учун шараф. Мағлуб бўлганимизга қарамай, биз ҳар қандай рақиб билан курашишимиз мумкинлигини кўрсатдик. Ташкилотчиларга турнир учун раҳмат," - дея ижтимоий тармоқларда пост қолдирди хавбек.