"Aral" bilan bellashuvdan keyin "Paxtakor" bosh murabbiyi Maksim Shaskix bahs xususida fikrlarini bildirdi.

- Ikki xil bo‘lim o‘tkazdik. Birinchi bo‘limda o‘zimizni to‘liq ko‘rsata olmadik. Bu ruhiyat sababli. Tanaffusdan keyin umuman boshqa futbol namoyish etdik. Ko‘p vaziyatlar yaratdik, ammo bor-yo‘g‘i bitta gol urdik.

Bu futbolchilarning fikrlashiga bog‘liq. O‘zim futbolchilik faoliyatimda bunday muammolar bilan duch kelganman. Har bir raqibga birdek tayyorgarlik ko‘rish kerak ekanligini ko‘p marotaba takrorlaganman. Hech qaysi jamoani osongina mag‘lub etib bo‘lmaydi. Qaysidir futbolchi xayolan terma jamoa yig‘inida. Kimdir esa hayolan ta’tilga yo‘l oldi. Biz yomon o‘ynamadik, ammo birinchi bo‘limdan ko‘nglim to‘lmadi.