"Inter" "Betis" markaziy himoyachisi Aleks Peresni ijaraga oldi.

Bu haqda jurnalist Matteo Moretto xabar bermoqda.

Manbaga ko‘ra, italyan klubi 18 yoshli Peresni sotib olish opsiyasi bilan ijaraga olyapti. Ta’kidlanishicha, to‘liq transfer summasi taxminan 500 ming yevroni tashkil qiladi.

Futbolchi kelasi hafta tibbiy ko‘rikdan o‘tishi kerak, deya qo‘shimcha qildi manba.

Aytish joizki, Peres hali kattalar futbolida debyut qilgani yo‘q. Nufuzli Transfermarkt internet portaliga ko‘ra, himoyachining narxi 25 ming yevroni tashkil qiladi.