Madridning “Atletiko” klubi hujumchisi Samuel Omorodionga hamon Londonning “Chelsi” klubi qiziqish bildirmoqda.
20 yoshli futbolchining ingliz klubiga o‘tishi mumkinligi haqidagi ma’lumotlar iyun oyida paydo bo‘lgan, biroq o‘shanda "matraschilar" kelishuvdan bosh tortishgan.
Jurnalist Rahmon Usmon xabariga ko‘ra, "Chelsi" yaqinda Omorodion bo‘yicha yangi muzokaralar olib bordi.
Insayder Fabrisio Romanoning so‘zlariga ko‘ra, “ko‘klar” hujumchini kuzatishda davom etmoqda – “Atletiko” sotuvga ochiq bo‘lsa, transfer imkoniyatini jiddiy ko‘rib chiqishga tayyor.
Eslatib o‘tamiz, Omorodion o‘tgan mavsumni "Alaves" safida ijarada o‘tkazdi.
