Мадриднинг “Атлетико” клуби ҳужумчиси Самуэль Омородионга ҳамон Лондоннинг “Челси” клуби қизиқиш билдирмоқда.
20 ёшли футболчининг инглиз клубига ўтиши мумкинлиги ҳақидаги маълумотлар июнь ойида пайдо бўлган, бироқ ўшанда "матрасчилар" келишувдан бош тортишган.
Журналист Раҳмон Усмон хабарига кўра, "Челси" яқинда Омородион бўйича янги музокаралар олиб борди.
Инсайдер Фабрицио Романонинг сўзларига кўра, “кўклар” ҳужумчини кузатишда давом этмоқда – “Атлетико” сотувга очиқ бўлса, трансфер имкониятини жиддий кўриб чиқишга тайёр.
Эслатиб ўтамиз, Омородион ўтган мавсумни "Алавес" сафида ижарада ўтказди.
