"Real Madrid" Alfonso Devis bilan shartnoma imzolagan taqdirda ham Ferlan Mendini o‘z safida saqlab qolishi mumkin.
Ikkala futbolchi ham himoyaning chap qanotida o‘ynaydi, shuning uchun kanadalikning "Bavariya"dan kelishi fransiyalik futbolchining "Los-Blankos"dagi kelajagiga shubha uyg‘otadi. Biroq, jurnalist Mario Kortexananing ta’kidlashicha, "Real" Devisni sotib olish va Mendini saqlab qolish uchun harakat qiladi.
Yil boshida Ferlanning sotilishi mumkinligi haqidagi ma’lumotlar tez-tez matbuotda paydo bo‘ldi, ammo 29 yoshli lateral o‘z formasini tiklab oldi va Anchelotti ishonchiga kirdi.
