"Jirona" hali ham "Barselona" yarim himoyachisi Oriol Romeuga qiziqish bildirmoqda.
Aynan "Jirona"dan ispaniyalik futbolchi o‘tgan yozda "ko‘k-anorranglilar" safiga o‘tgandi - u Serxio Busketsning o‘rnini bosadiganlardan biri bo‘lishi kutilgandi. 32 yoshli yarim himoyachi yaxshi mavsum o‘tkaza olmadi. OAVda futbolchining sobiq jamoasiga qaytishi mumkinligi haqida gaplar tarqala boshladi.
Catalunya Radio xabariga ko‘ra, "Jirona" hamon Romeuga qiziqish bildirmoqda, ammo "oq-qizillar" transfer uchun pul to‘lamoqchi emas. Kelishuv faqat "Barselona" tayanch yarim himoyachini tekinga qo‘yib yuborsagina amalga oshadi.
