"Bavariya"ning hujumkor yarim himoyachisi Jamol Musiala vinger Maykl Olisening klubga o‘tishi haqida fikr bildirdi. 22 yoshli fransiyalik futbolchi Angliyaning “Kristal Pelas” klubidan Bundesliga gigantiga o‘tib, 2029-yilgacha shartnoma imzoladi.
“Olise bilan “Chelsi” yoshlar jamoasida birga o‘ynaganmiz, bu yaxshi vaqt edi. O‘tgan yillar davomida ko‘p gaplashmadik, lekin aytishim mumkinki, u juda kuchli fazilatlarga ega. “Kristal Pelas” uchun qancha gol urganini ko‘rdingiz", - deydi Musiala.
Maykl Olise Angliya Premyer-ligasining so‘nggi mavsumida "Kristal Pelas" safida 19 ta o‘yinda maydonga tushib, 10 ta gol va 6 ta golli uzatmaga mualliflik qilgan.
