Ayni vaqtda Namangan viloyati futbol assosiasiyasi tasarrufidagi akademiya qoshidagi “Yosh kuch” stadionida qurilish-rekonstruksiya ishlari davom etmoqda.
O‘zbekiston futbol assosiasiyasi birinchi vise-prezidenti Ravshan Irmatov akademiyada bo‘lib qurilish jarayonini ko‘zdan kechirdi.
Namangan viloyati futbol assosiasiyasi birinchi vise-prezidenti Shuhrat Mirxoldirshayev va futbol akademiyasi direktori G‘anisher Ismailov tomonidan amalga oshirilayotgan ishlar borasida ma’lumot berildi.
Akademiyada qad rostlayotgan bino 154 o‘rinli yotoqxona, oshxona, o‘quv xonalariga ega bo‘ladi. Quruvchilar bilan ham suxbatda O‘FA rahbariyati yosh futbolchilarni o‘z bag‘riga oladigan inshoot sifatli hamda zamonaviy tarzda barpo etilishi borasida tegishli ko‘rsatma va tavsiyalar berdi.
