Айни вақтда Наманган вилояти футбол ассоциацияси тасарруфидаги академия қошидаги “Ёш куч” стадионида қурилиш-реконструкция ишлари давом этмоқда.
Ўзбекистон футбол ассоциацияси биринчи вице-президенти Равшан Ирматов академияда бўлиб қурилиш жараёнини кўздан кечирди.
Наманган вилояти футбол ассоциацияси биринчи вице-президенти Шуҳрат Мирхолдиршаев ва футбол академияси директори Ғанишер Исмаилов томонидан амалга оширилаётган ишлар борасида маълумот берилди.
Академияда қад ростлаётган бино 154 ўринли ётоқхона, ошхона, ўқув хоналарига эга бўлади. Қурувчилар билан ҳам сухбатда ЎФА раҳбарияти ёш футболчиларни ўз бағрига оладиган иншоот сифатли ҳамда замонавий тарзда барпо этилиши борасида тегишли кўрсатма ва тавсиялар берди.
