Angliya terma jamoasi Yevro-2024 nimchorak finalida o‘ynaydi, jamoa darvozaboni Jordan Pikford esa turnirdagi asosiy qahramonlaridan biri bo‘lmoqda.
Yevro-2024 doirasidagi beshta o‘yinda Pikford atigi 3 ta gol o‘tkazib yubordi, shuningdek, inglizlarga penaltilar seriyasida Shveysariyani mag‘lub etishga yordam berdi.
Opta portali ma’lumotlariga ko‘ra, Pikford Yevropa chempionatida 85 foiz zarbani qaytargan. Yevropa chempionatlari tarixida kamida 10ta o‘yin o‘tkazganlar orasida faqat bitta darvozabon yaxshiroq statistika ko‘rsatgan - ispaniyalik Iker Kasilyas, u 87 foiz darvoza tomon yo‘llangan zarbalarni qaytargan.
Angliya terma jamoasi yarim finalda Niderlandiya bilan o‘ynaydi. O‘yin 10 iyul kuni Dortmundda bo‘lib o‘tadi va Toshkent vaqti bilan soat 23:59da boshlanadi.
