Afg‘oniston hukumati Parijdagi Olimpiya o‘yinlarida mamlakat sharafini himoya qiladigan uch nafar sportchini tan olmaydi, dedi hukumat sport departamenti matbuot kotibi Atal Mashvaniy.
Parijdagi o‘yinlarda Afg‘onistondan olti nafar sportchi – uch ayol va uch erkak ishtirok etadi. Ayollar yengil atletika va velosport, erkaklar dzyudo, yengil atletika va suzish bo‘yicha bellashadilar.
"Afg‘oniston sharafini faqat uchta sportchi himoya qiladi", dedi Mashvaniy erkaklarga ishora qilib. — Hozirda Afg‘onistonda ayollar sporti taqiqlangan. Ayollar sport bilan shug‘ullanmasa, ular qanday qilib terma jamoaga kirishadi?
O‘yinlarda ishtirok etgan olti nafar sportchidan faqat dzyudochi Afg‘onistonda mashg‘ulot o‘tkazmoqda.
XOQ jamoa haqida rasmiy Kobul bilan maslahatlashmaganini va ularni O‘yinlarga taklif qilmaganini aytdi. XOQ sportchilarning ishtiroki bo‘yicha faqat quvg‘inda bo‘lgan Milliy olimpiya qo‘mitasi rahbariyati bilan muloqot qiladi.
Afg‘onistonlik sportchilar avvalgi hukumatning qora-qizil-yashil bayrog‘i ostida bellashadilar, deya ta’kidlaydi agentlik.
Afg‘onistonda Tolibon tashkiloti hokimiyat tepasida.
