Афғонистон ҳукумати Париждаги Олимпия ўйинларида мамлакат шарафини ҳимоя қиладиган уч нафар спортчини тан олмайди, деди ҳукумат спорт департаменти матбуот котиби Атал Машваний.
Париждаги ўйинларда Афғонистондан олти нафар спортчи – уч аёл ва уч эркак иштирок этади. Аёллар енгил атлетика ва велоспорт, эркаклар дзюдо, енгил атлетика ва сузиш бўйича беллашадилар.
"Афғонистон шарафини фақат учта спортчи ҳимоя қилади", деди Машваний эркакларга ишора қилиб. — Ҳозирда Афғонистонда аёллар спорти тақиқланган. Аёллар спорт билан шуғулланмаса, улар қандай қилиб терма жамоага киришади?
Ўйинларда иштирок этган олти нафар спортчидан фақат дзюдочи Афғонистонда машғулот ўтказмоқда.
ХОҚ жамоа ҳақида расмий Кобул билан маслаҳатлашмаганини ва уларни Ўйинларга таклиф қилмаганини айтди. ХОҚ спортчиларнинг иштироки бўйича фақат қувғинда бўлган Миллий олимпия қўмитаси раҳбарияти билан мулоқот қилади.
Афғонистонлик спортчилар аввалги ҳукуматнинг қора-қизил-яшил байроғи остида беллашадилар, дея таъкидлайди агентлик.
Афғонистонда Толибон ташкилоти ҳокимият тепасида.
