AQSHda davom etayotgan Amerika kubogining ikkinchi finalchisi nomi aniq bo‘ldi. Bugun final yo‘llanmasi uchun Uurgvay va Kolumbiya terma jamoalari o‘zaro to‘qnash kelishdi.

Bahsning 39-daqiqasida Xames Rodrigesning uzatmasidan keyin Lerma gol urdi va Kolumbiyani oldinga olib chiqdi.

Birinchi bo‘limga qo‘shib berilgan daqiqalarda esa kolumbiyalik himoyachi Daniel Munyos maydondan chetlatildi.

Urugvay esa ikkinchi bo‘limda bir kishi ko‘p bo‘lib o‘ynaganiga qaramay, raqib darvozasiga yo‘l topa olmadi.

Shu tariqa, Kopa Amerika finalida Argentina va Kolumbiya terma jamoalari o‘zaro to‘qnash kelishadi.

Amerika kubogi, 1/2 final
Urugvay – Kolumbiya 0:1 (0:1, 0:0)
Gol: 0:1 – 39 Lerma.
Urugvay – Rochet, Ximenes, Olivera (de Arraskaeta, 46), Kaseres, Bentankur (Varela, 34; Suares, 67), Valverde, de la Krus (Kanobbio, 90), Ugarte, Arauxo, Pelistri (Olivera, 46), Nunyes.
Kolumbiya – Vargas, Munyos, Sanches, Kuesta, Moxika, Xames (Kastanyo, 62), Lerma, Aryas (Aryas, 46), Rios (Uribe, 61), Dias (Sinisterra, 86), Kordoba (Mina, 75).
Ogohlantirishlar: de la Krus (26), Munyos (31), Xames (55), Varela (63), Ximenes (69), Kastanyo (90+6), Kuesta (90+7).
Chetlatish: Munyos (45+1).