Argentina terma jamoasi yarim himoyachisi Rodrigo De Paul Kanada bilan Amerika kubogi yarim final uchrashuvida (2:0) voqealarni haddan tashqari dramatizasiya qilgani uchun muxlislar tomonidan masxara qilindi.
Bir epizodda Stiven Eshtakiu undan to‘pni olib qo‘ymoqchi bo‘lganidan keyin De Paul maydonga yiqilib tushdi. De Paul maydonda yotganida Kanada terma jamoasi futbolchisi Ismoil Kone to‘pni argentinalik futbolchining orqa tomoniga yengil tepdi, shundan so‘ng u belini ushlab, maydon bo‘ylab dumalay boshladi, lekin darhol emas, balki bir necha daqiqadan so‘ng nima bo‘lganini angladi.
Chililik hakam Pyero Masa Konega sariq kartochka ko‘rsatdi, biroq muxlislar De Paulning o‘yinidan hayratda qolishdi. Aksariyat sharhlovchilar Rodrigoni Oskarga nomzod qilib ko‘rsatishga chaqirishdi.
