"PSJ" yozgi transfer oynasida tarkibini kuchaytirish ustida ishlamoqda.

Liga 1 grandi "Benfika"dan iqtidorli yarim himoyachi Joau Nevesh bilan shartnoma imzolamoqchi. CNN telekanali xabariga ko‘ra, parijliklar lissabonliklarga katta taklif bilan chiqishgan - 90 million yevro + o‘z futbolchilaridan birini qo‘shib beradi.

Joau Nevesh 19 yoshda. Avvalroq matbuotda Neveshga Angliyaning "Manchester Yunayted" klubi qiziqish bildirayotgani haqida ko‘p yozilgan edi.

"Benfika"ning asosiy jamoasi uchun Joau Nevesh 75 ta rasmiy o‘yin o‘tkazib, 4 ta gol urdi va sheriklariga 3 ta golli uzatma berdi.