«Dinamo» PFK matbuot xizmati 2024 yilgi mavsum birinchi davra yakunlariga ko‘ra muxlislar o‘rtasida so‘rovnoma o‘tkazib, jamoaning 1-davradagi eng yaxshi o‘yinchisini aniqladi. So‘rovnomada jami 3708ta ovoz berildi.

«Dinamo» jamoasi 1-davrada Superligada 13ta o‘yin o‘tkazgan bo‘lsa, O‘zbekiston kubogida 3ta bahsda maydonga tushdi. Bir hafta davom etgan ovoz berish yakunlariga ko‘ra, Kojo Joel eng ko‘p – 1769ta ovoz bilan «Dinamo» jamoasining 1-davradagi eng yaxshi o‘yinchisi deb topildi. U Superligada 13 o‘yinda 988 daqiqa to‘p surib, 4ta gol, O‘zbekiston kubogida esa 3 o‘yinda 3ta golga mualliflik qildi.

1-davraning eng yaxshi o‘yinchisi nomiga da’vogar yana bir o‘yinchi Anvarjon Hojimirzayev esa 1638ta ovoz bilan 2-o‘rinni egalladi. Anvarjon 1-davrada Superligada 1009 daqiqa davomida 5ta gol urib, to‘purarlar ro‘yxatidan o‘rin olgan.

Uchlikdan 800ta ovoz bilan braziliyalik legioner Ratinyo Ferreyra joy oldi. Tayanch yarimhimoyachisi Superligada 11 o‘yinda 990 daqiqa o‘ynab, bitta golga mualliflik qildi.

Shuningdek, so‘rovnoma ishtirokchilaridan Sanjar Shoahmedov (307ta ovoz), Salim Mustafoyev (299ta ovoz) va Dushan Miyich (291ta ovoz) olgan.