Madridning “Real” klubi xorvatiyalik yarim himoyachi Luka Modrichning o‘rnini bosa oladigan futbolchini tanladi.
Manbaga ko‘ra, "qirollik" klubi Portugaliya terma jamoasi va Fransiyaning "PSJ" klubi yarim himoyachisi Vitinyaga ko‘z tikmoqda.
"Los-Blankos" portugaliyalikni 2025 yilning yozida, Modrich jamoani tark etsa, sotib olishni rejalashtirgan. Parijliklar o‘z navbatida Vitinyaning transferi uchun kamida 70 million yevro talab qiladi.
Portugaliyalikning "PSJ" bilan tuzilgan mehnat shartnomasi 2027 yilning yoziga qadar amal qiladi.