O‘zbekiston futzal milliy terma jamoasi safida Gvatemalaga qarshi o‘yinda (3:1) debyutini o‘tkazgan darvozabon Fayozjon Jo‘raboyev o‘z fikrlarini bildirdi.
"Yaxshi o‘yin bo‘ldi, g‘alaba qozonganimizdan xursandman. Debyut o‘yinim bo‘lgani uchun biroz hayajonlandim. Biroq bahs davomida uni yengishga harakat qildim.
Terma jamoa libosini kiyish har bir futzalchining orzusi. Gvatemalaga qarshi o‘rtoqlik uchrashuvida menga ishonch bildirganlari uchun barcha murabbiylarimizga tashakkur bildiraman. Jamoadoshlarimning qo‘llab-quvvatlashi sababli jamoa muhitiga oson moslashdim. Qisqa fursatda bir oila bo‘la oldik, deb o‘ylayman. Mashg‘ulotlarimiz ham juda zo‘r o‘tyapti. Jahon chempionatiga tayyorgarlik esa yuqori sur’atda davom etmoqda", - dedi darvozabon.
