"Yuventus" bir nechta qimmat xaridlarni amalga oshirish uchun to‘rt nafar futbolchi bilan xayrlashmoqchi.
Sotiladiganlar ro‘yxatiga Federiko Kyeza, Matias Sule, Din Xeysen va Filip Kostich kiritilgan. Insayder Nikolo Skira bergan ma’lumotlarga ko‘ra, "keksa senyora" rahbariyati yuqoridagi barcha futbolchilar bilan xayrlashib, jami 90-95 million yevro ishlab olishni rejalashtirgan.
Ushbu mablag‘lar "Atalanta"dan yarim himoyachi Tyon Kopmeyners va "Nissa"dan markaziy himoyachi Jan-Kler Todiboning transferlariga yo‘naltirilishi kutilmoqda. Transfermarkt portali ma’lumotlariga ko‘ra niderlandiyalik futbolchining narxi 50 million yevro, fransuzning narxi esa 35 millionni tashkil qiladi.
