"Ювентус" бир нечта қиммат харидларни амалга ошириш учун тўрт нафар футболчи билан хайрлашмоқчи.
Сотиладиганлар рўйхатига Федерико Кьеза, Матиас Суле, Дин Хейсен ва Филип Костич киритилган. Инсайдер Николо Скира берган маълумотларга кўра, "кекса сеньора" раҳбарияти юқоридаги барча футболчилар билан хайрлашиб, жами 90-95 миллион евро ишлаб олишни режалаштирган.
Ушбу маблағлар "Аталанта"дан ярим ҳимоячи Тён Копмейнерс ва "Ницца"дан марказий ҳимоячи Жан-Клер Тодибонинг трансферларига йўналтирилиши кутилмоқда. Transfermarkt портали маълумотларига кўра нидерландиялик футболчининг нархи 50 миллион евро, французнинг нархи эса 35 миллионни ташкил қилади.
