Angliya terma jamoasi bosh murabbiyi Garet Sautgeyt yaqin orada o‘z lavozimini tark etishni rejalashtirmoqda.
Mutaxassis uch yil ichida ikkinchi marta “uch sherlar”ni Yevropa chempionati finaliga olib chiqdi, ammo yana g‘alaba qozona olmadi – bu safar inglizlar Ispaniyaga mag‘lub bo‘ldi (1:2). Final o‘yini oldidan ham ma’lum bo‘lganidek, Angliya futbol assosiasiyasi Sautgeytni hech bo‘lmaganda 2026 yilgi jahon chempionati oxirigacha saqlab qolishga qaror qilgandi.
HITC ma’lumotlariga ko‘ra, vaziyat o‘zgarmadi - hammasi bosh murabbiyning yakuniy qaroriga bog‘liq bo‘ladi. Biroq, Sautgeyt ketishga qaror qilgan ko‘rinadi. Manbaning ta’kidlashicha, Angliya terma jamoasini keyingi jahon chempionatiga katta ehtimol bilan boshqa murabbiy tayyorlaydi.
