Англия терма жамоаси бош мураббийи Гарет Саутгейт яқин орада ўз лавозимини тарк этишни режалаштирмоқда.
Мутахассис уч йил ичида иккинчи марта “уч шерлар”ни Европа чемпионати финалига олиб чиқди, аммо яна ғалаба қозона олмади – бу сафар инглизлар Испанияга мағлуб бўлди (1:2). Финал ўйини олдидан ҳам маълум бўлганидек, Англия футбол ассоциацияси Саутгейтни ҳеч бўлмаганда 2026 йилги жаҳон чемпионати охиригача сақлаб қолишга қарор қилганди.
HITC маълумотларига кўра, вазият ўзгармади - ҳаммаси бош мураббийнинг якуний қарорига боғлиқ бўлади. Бироқ, Саутгейт кетишга қарор қилган кўринади. Манбанинг таъкидлашича, Англия терма жамоасини кейинги жаҳон чемпионатига катта эҳтимол билан бошқа мураббий тайёрлайди.
