Angliya terma jamoasi va "Bavariya" hujumchisi Xarri Keyn professional faoliyati davomida oltita final uchrashuvida mag‘lubiyat alamini totib ko‘rdi. Forvard quyidagi finallarda mag‘lub bo‘ldi: Angliya liga kubogi (2015, 2021), Chempionlar ligasi (2019), Yevropa chempionati (2020/2021, 2024) va Germaniya Superkubogi (2023).
Mag‘lubiyatga uchragan final o‘yinlari soni bo‘yicha Keyn "Los-Anjeles Leykers"ning mashhur a’zosi va Milliy Basketbol Assosiasiyasining 11 karra yulduzi Eldjin Beylorga yaqinlashdi, u yettita final seriyasida o‘ynagan, biroq har safar mag‘lub bo‘lgan.
Beylor 1977 yilda Basketbol shon-sharaf zaliga kiritildi. Sport faoliyatini tugatgandan so‘ng, Beylor murabbiy bo‘lib ishladi.