Alan Shirer Garet Sautgeytning Angliya terma jamoasidagi faoliyatini yuqori baholadi.

“Milliy terma jamoa murabbiyi bo‘lish insonni juda charchatadi. Inson sifatida qanday stress va bosim ostida ekanligingizni tasavvur qiling.

Sautgeyt har qanday imkoniyatda futbolchilarni himoya qildi, bu ham o‘z ta’sirini o‘tkazdi. Umid qilamanki, u dam olishga vaqt topadi, keyin uni yana bir joyda ko‘ramiz. U kelguniga qadar futbolchilar mamlakat uchun o‘ynashni istashmasdi.

Biroq, uning qarori meni hayratda qoldirmadi. Ehtimol, Garet buni turnir boshlanishidan oldin qabul qilgan va u g‘alaba qozongan taqdirda ham bu haqda xabar bergan bo‘lardi.

Mening bilganim shuki, Sautgeyt qilgan barcha ishlari uchun olqishlanishi kerak. Garet 2016 yilda Islandiyadan uchralgan mag‘lubiyatdan so‘ng Angliya terma jamoasini tubdan ko‘tardi.

Biz ular bu Yevroda ko‘ngildagidek o‘ynamagan bo‘lishi mumkinligini aytdik, ammo bu yaratgan muhit ularga yana bir finalga chiqishga yordam berdi.

Umuman olganda, Garetni Angliya bilan qilgan barcha ishlari uchun olqishlash kerak. Endi sizdan finalga chiqishingiz va sovrinlarni qo‘lga kiritishingiz kutilmoqda", - dedi Angliya terma jamoasining sobiq sardori.