Seru Girassi Dortmundning "Borussiya"siga o‘tadi.

Florian Plettenbergning so‘zlariga ko‘ra, Dortmund klubi shtutgartlik hujumchi transferi bo‘yicha shartnoma tuzishga qaror qilgan.

Avvalroq, birinchi tibbiy ko‘rikda futbolchining jarohati aniqlangani uchun transferni keyinga qoldirishga to‘g‘ri kelgandi.

Qayd etilishicha, ikkinchi ko‘rik davomida shifokorlar tizza bo‘g‘imlari jarohatini konservativ tarzda davolash mumkinligini aniqlashgan va Girassi bir necha haftani o‘tkazib yuboradi.

Shu tariqa futbolchi tez orada “Borussiya” bilan shartnoma imzolaydi.